Месяц: Сентябрь 2019
Հովհաննես Թումանյան
Օրը ցերեկով
Երեք—չորս հոգով
Կույրերը եկան
Փղին դեմ ընկան։
Մինը, որ մարմնին դիպավ հաստ, ահեղ,
— Հե՛յ, զգո՛ւյշ, կանչեց, մի պատ կա էստեղ։
Մյուսը, որ ոտն էր շոշափել իր դեմ՝
— Ի՜նչ պատ, ծիծաղեց, էս կոճղ է կարծեմ։
Երրորդի ձեռը կնճիթն էր ընկել.
— Օձ է, օ՜ձ, գոռաց, էլ ի՜նչ եք կանգնել։
Մինչդեռ չորրորդը պոչիցը բռնած
Քահ—քահ խնդալով ծաղրում էր նրանց.
— Վա՜հ, ճիշտ որ կույր եք. չիմացավ ոչ ոք։
Ոչ էս է, ոչ էն, այլ կախած մի թոկ։
Չէ՛, պատ է,— չէ, կոճղ— չէ, օձ է,— չէ, թոկ…
Ու աղմկելով ամեն մինը ջոկ,
Ինչպես որ եկել
Դեմ էին ընկել,
Էնպես էլ կույր—կույր ետ դարձան կըրկին—
Սարի պես փիղը պարզ լուսի տակին։
Հարցեր և առաջադրանքներ
Աշխատանքային նախագիծ՝ 16-20 սեպտեմբերի
Ընթացիկ նախագծեր՝
«Ես» նախագիծ՝ «Ամենից լավ դպրոցը»
Առավոտյան ընդհանուր պարապմունք
Ընթերցանություն՝ հայ ժողովրդական հեքիաթներ
Մաթեմատիկա՝ բազմապատկում, բաժանում, չափման ու կշռի միավորներ։
Ընտրությամբ գործունեություն՝ մաթեմատիկա, գիմնաստիկա, կերպարվեստ-տեխնոլոգիա, խեցեգործություն, երգ
Լեզվագործունեություն՝ իմաստով մոտ բառեր, իմաստով հակառակ բառեր։
Տեխնոլոգիա՝ «Ամենից լավ դպրոցը» Ես և շրջակա աշխարհը՝ բույսերի ուսումնասիրություն ջերմոցում, խնամք։
Հեծանվավարություն, լող
Մարմնակրթություն՝ մարզախաղեր։