396. Հարցերին պատասխանի՛ր և պատասխաներն այնպե՛ս գրիր, որ տեքստի համառոտ փոխադրություն ստանաս:
Երբեմն Հովհաննես Թումանյանն ամառներն անցկացնում էր գյուղում: Երբ նա գյուղում էր լինում, շարունակ գնում էր գյուղից գյուղ, խոսում գյուղացիների հետ, ամեն մեկին մի խորհուրդ, մի սրտալի խոսք ասում, կատակում: Գյուղացիներն էլ սիրով գնում էին նրա մոտ՝ գանգատի, խորհրդի, խոստովանության:
Ամառ էր: Լոռու գյուղերից մեկում մի քանի գյուղացիներ իրար հակառակվել ու անասունները սար չէին տարել: Գյուղում մնացած հորթերն ու կովերը փչացնում, տրորում էին արտերը: Գյուղացիները պահանջում էին, որ բոլոր կովերն անմիջապես սար տանեն, իսկ կովատերերն իրար էին մատնացույց անում.
-Թո՛ղ նա տանի, ես էլ տանեմ:
Ու ոչմեկն իր անասունը սար չէր տանում:
Մարդ ուղարկեցին Թումանյանի հետևից: Նա եկավ երեք ձիավորի հետ: Գյուղամիջում, բոլոի ներկայությամբ, իր հետ եկած տղաներին կարգադրեց.
-Տղե՛րք, գնացե՛ք մի քիչ հանգստացե՛ք, հետո դուրս եկեք, ինչքան կով, հորթ տեսնեք էս հանդում քշենք, տանենք, ազգային անենք:
Հենց որ նա իր ուղեկիցների հետ տուն մտավ, գյուղում մի տարօրինակ շարժում սկսվեց: Իսկ երբ դուրս եկան, գյուղում էլ ոչ մի անասուն չէր մնացել: Թումանյանն այդպես լուծեց գյուղացիների վեճը:
Հարցեր
Ինչու՞ էին վիճում գյուղացիները: Նրանք ինչու՞ դիմեցին Թումանյանին: Բանաստեղծն ի՞նչ որոշեց: Գյուղացիներն այդ որոշումը ինչպե՞ս ընդունեցին:
Հովհաննես Թումանյանը ոչ հաճախակի իր ամառը անցկացնում էր Դսեղ գյուղում: Նա սիրում էր գնալ տնից տուն և խոսում գյուղացիների հետ, կատակում, սիրալի խոսքեր ասում և այլն: Մի օր մի քանի անասնապահ իրար հակառակվել էին և կովերը չէին տանում սարեր: Իսկ գյուղացիները բողոքում էին, որ կովերը իրենց բանջարեղենը տրորում էին: Գյուղացիները անասնապահերին ասացին, որ կովերը սար տանեն, բայց նրանք միայն իրար էին մատնացույց անում: Նա ասում էր դու տա՛ր, իսկ մյուսը՝ չէ՛, դու: Ուստի մարդ ուղարկեցին Թումանյանի ետևից: Նա տղերքին հավաքեց գյուղի մեջտեղը և ասաց, թե գնացեք հանգստացեք, որ հետո անասուններին տանենք ազգային սարքենք: Գյուղացիները սա լսելով վախեցան և ամեն մեկը իր կովին տարավ սար, որպեսզի արածացնի: Այդպես էլ Թումանյանը լուծեց այս խնդիրը: